Во Русија започна составувањето на тешкиот борбен робот „Штурм“

Илустрација

Илустрација

Министерство за одбрана на РФ
Стручњаците од „Уралвагонзавод“ започнаа со работата на составувањето на првите експериментални модели на роботизираниот систем „Штурм“, објави РИА Новости, повикувајќи се на неименуван извор од руската одбранбена индустрија.

Намената на овие тешки офанзивни возила на шасија од тенк Т-72Б3 е борба во градски услови. Според зборовите на соговорникот на агенцијата, во моментов се монтираат команден пункт и самите борбени возила со различно вооружување. Меѓу другото, предвидено е да бидат опремени со скратено оружје со мазна цевка со калибар од 125 милиметри.

Оваа варијанта е наменета токму за дејство во град, каде просторот за маневрирање е мошне ограничен. Затоа е важно оружјето многу да не излегува надвор од габаритот на самата платформа. Со кусата цевка се намалува почетната брзина на проектилот, но земајќи предвид дека е наменет за борба на мали растојанија, тоа нема да влијае врз ефикасноста на погодувањето на целта.

Исто така, борбените возила „Штурм“ ќе бидат опремени со рачни ракетни фрлачи „Шмељ“, во двојка со топови со калибар од 30 милиметри и со термобарични наведувачки ракети. Исто така се очекува борбените роботи да имаат можност за заштита од противтенковски борбени средства.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња