ФОТОГАЛЕРИЈА: 9 најуспешни и најнеуспешни лимузини направени од советски автомобили

Секој седан може да стане лимузина, се додека навистина сакате. Бескомпромисните креатори на овие автомобили покажуваат како се прави тоа.

Можеби елеганцијата не е најважна за лимузината, се додека имате обична советска лимузина и неодолива желба да ја „истегнете“. Како што излезе, советскиот сон на обичниот човек „да се вози во лимузина“ е посилен од естетските предрасуди и технолошките можности. По распадот на СССР за краток временски период, сè стана можно: жените танцуваа стриптиз на телевизија во надеж дека ќе влезат во шоу-бизнисот, а приватните сопственици на мали бизниси правеа лимузини од најобичните „народни“ автомобили.

ВАЗ-2101

Еден од најпопуларните автомобили за време на советскиот период - „копејката“, не може, а да не стане снежно-бела лимузина во „својот следен живот“. Ова ѝ се случува во Унгарија и истовремено е „истегната“ максимално - до должина од 7 метри! Ова е веројатно најдолгата „копејка“ на светот.

Од друга страна, на Куба, тие очигледно биле водени од чисто практични размислувања: многу луѓе се собираат во лимузината, па можете да ја користите за превоз на патници (во Куба за минивен се чека вечно). Така, оваа „копејка“ е претворена во пространо такси - со дополнителен пар врати и уште еден ред седишта.

ЗАЗ-965

Во годините на СССР, „Запорожеците“ се сметаа за најнеелегантни и најтромави автомобили. Бучен, тесен, грд и постојано се расипува. Но, луѓето сè уште го сакаат. Не можете да го уништите. Освен ако не го претворите во лимузина...

ЗАЗ-968

Оваа модификација исто така не може да се пофали со успех во обидот да стане стилски автомобил за специјални пригоди. Неговиот сопственик исто така се чини дека го разбира ова. Судбината на лимузината е тажна: 'рѓосува во дворот обраснат со трева.

Москвич-412

Тешко дека некој би бил импресиониран од „Москвич“ во СССР, а камоли во Русија - таму се смета за најнароден автомобил. Бесмислено е да се фалиме со тоа, и никој не се обидува. Никој, освен сопственикот на оваа копија.

ГАЗ-12

Овој автомобил очигледно претрпе успешно преродба. Неговиот труп е продолжен, внатрешноста е целосно редизајнирана и резултатот е чисто помпезен. Внатре, сè е како што треба: тапацир од кожа, ЛЕД-осветлување и минибар. Шампањско!

ГАЗ-3102

Вистински автомобил од деведесеттите години на минатиот век. Времето кога животот на еден претприемач, службеник, па дури и обичен граѓанин е ранлив на случаен куршум како Брус Вилис во филмот „Умри машки“. Затоа фирмата „Рида“ од Нижни Новгород го претставува својот „херој на времето“ базиран на „Волга“ - блиндиран автомобил за многу важни луѓе. Челичниот браник ја зголемува тежината на автомобилот на речиси 2 тони.

Друг експеримент со ГАЗ-3102. Очигледно, овој автомобил е роден да стане лимузина, но поради некоја причина тоа не се случува веднаш. За среќа, ова недоразбирање е исправено. Со распадот на СССР, фабриката во Рига РАФ престана да склопува минибуси и одлучи да премине во лимузини засновани на „директорската“ Волга. Салонот има климатизација, па дури и телевизор, но нема побарувачка и проектот е затворен.

ВАЗ-2110

Ова е смртоносен проект на фабриката во Тољати, која реши да привлече клиенти кои имаат пари и ја лансираше лимузината „Конзул“. Во споредба со оригиналот, неговата должина е зголемена за 650 милиметри. Доволно е да додадете преграда помеѓу редовите, аудио-видео систем, па дури и фрижидер. За жал, планот не профункционира. Автомобилот никогаш не беше купен од богатата класа на општеството.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња