Руски научник: Глобалното затоплување би ја вратило Земјата 35 милиони години назад

National Aeronautics & Space Adm/METD2/Global Look Press
Поради емисијата на гасови на стаклена градина температурата на Земјата се зголемува, така што во наредните неколку години ќе достигне вредности кои на нашата планета владееле пред 35 милиони години, смета вишиот научен соработник на Институтот за физика на атмосферата на Руската академија на науките Александар Чернокуљски. За време на неговото обраќање на фестивалот на еколошки филм „Екочашка“, тој рече дека се можни различни сценарија според кои ќе расте глобалната температура.

„Во случај на сценариото „сé по старо“ (количината на антропогени гасови на стаклената градина не се намалува), кој засега се одвива (сите индикатори укажуваат на тоа), температурата ќе ја врати планетата околу 35 милиони години наназад“, рече рускиот научник.

Меѓутоа, објасни тој, глобалната температура е само еден од климатските фактори и затоа не треба да се зборува дека на Земјата повторно ќе се појават џиновски носорози.

„Целиот систем би бил поинаков. Вегетацијата би била сосема поинаква и поинаков би бил распоредот на континентите. Тогаш не постоела оваа количина на ледници, различно било нивото на океанот, хемискиот состав на атмосферата бил поинаков“, истакна Чернокуљски.

Како што се наведено на сајтот на Серускиот научноистражувачки геолошки институт, пред 35 милиони години, во епохата на палеоценот, на Земјата се појавиле предците на копитарите, кондилартрите, летечките лемури и торбари, а на полетокот на еоценот настанале многу претставници на современите животински родови, вклучувајќи ги и вишите антропоидни примати. Копнените форми на живот достигнале максимални димензии, се појавиле џиновските носорози. Вистинските коскени риби ги освоиле сите морски и слатководни басени.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња