Руски ловец Су-30 пресретна три француски воени авиони над Црното море

Slava Stepanov / GELIO
Руски ловец Су-30 во вторникот, 11 мај, пресретна над Црното море два ловца Dassault Mirage 2000 и авион-танкер на Военото воздухопловство на Франција што се приближуваа до руската граница.

Ова го соопшти одделението за информирање на Црноморската флота на руската Воена морнарица.

Според податоците на прес-службата, руските радари на 11 мај над неутралните води на Црното море ја пресекле траекторијата на воздушните цели кои се приближуваа на руската граница.

„Заради идентификација и спречување на нарушување на границата полета ловец Су-30. Екипажот на рускиот ловец ги идентификуваше воздушните цели како два авиона на тактичката авијација Mirage 2000 и еден авион-танкер C-135 на Военото воздухопловство на Франција и ги испрати над Црното море“, соопшти прес-службата, пренесува РИА „Новости“.  

 Исто така, се наведува дека руската граница не беше нарушена.

Јужниот воен округ исто така додава дека летот на рускиот авион е реализиран согласно меѓународните правила.

Претходно Су-30 на Јужниот воен округ над Црното море пресретна три авиони на американското и француското воздухопловство кои се приближуваа до границата на Русија.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња