ВИДЕО: Руската армија распореди на Крим тродимензионални радари со голем опсег „Противник-Г“

Скриншот
Се работи за средство кое покрај големиот опсег на детекција (и во висина и во далечина), може истовремено да следи до 200 различни цели со детални и прецизни податоци за секоја поединечно. Овие радари обично се вмрежени со единиците за ПВО/ПРО како што се ракетните системи С-400 „Триумф“ и С-300В4 „Антеј-4000“, С-300ПМ - 2 „Фаворит“, Бук-М3, С-350 „Витез“ итн.

Радарот е особено ефикасен во услови на изведување борбени дејствија кога непријателот масовно применува средства за радиоелектронски пречки. Се одликува со брзо скенирање на комплетниот простор што го зафаќа, како и со уште побрза обнова на комплетните информации (до 5 секунди). Екипажот се состои од 3 оператори кои поминале изискувачка и специфична обука за ракување со овие средства. Комплетниот радар се наоѓа на влечна приколка.

„Противник-Г“ е производ на рускиот концерн „Алмаз-Антеј“ („Нижегородски научно-истражувачки институт за радиотехника“ ННИИРТ) .Станува збор за мобилна тродимензионална радарска станица која работи во дециметарски дијапазон на електромагнетните бранови.

Според различни податоци, ефективниот опсег на детекција на овој радар е до 400 км во далечина и 200 км во висина. Во тој простор „Противник-Г“ може истовремено да следи 150-200 различни воздушни цели.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња