Легендарниот ЗиС-3 во Виетнам прилагоден за крајбрежна одбрана

Советските топови ЗиС-3 со калибар 76 милиметри во Виетнам се прилагодени за крајбрежна одбрана. Овие орудија беа успешно користени во Втората светска, а потоа и во многу локални конфликти, а Народната армија на Виетнам ги користи и ден-денес.

Во репортажа објавена на социјалните мрежи може да се види како борците ја истеруваат „тројката“ од бетонско засолниште.

Седумчлен екипаж рачно ги извршува сите операции за кратко време. Од отворената позиција каде што е поставен топот добро се гледа морето, така што од таму може да се гаѓаат бродови и чамци кои пловат кон брегот, како и пловечки тенкови и оклопни транспортери.

Познато е дека противоклопните проектили на вакви артилериски системи имаат дострел од 4000 метри, а фрагментарно-експлозивните над 13000 метри. Брзината на стрелба е 25 гранати во минута.

Виетнамската армија за слични потреби ги користи познатите тенкови Т-34-85 од Втората светска војна. На локалната телевизија беше прикажана воена вежба со употреба на тие тенкови.

Воената морнарица на Виетнам, се разбира, има и современа противбродска ракетна техника. На пример, неодамна беше соопштено дека оваа земја започна со производство на сопствена верзија на руската ракета Х-35. Се смета дека главната ударна моќ ја имаат дивизионите опремени со моќните мобилни системи со голем дострел „Бастион-П“.

При користење на материјалите на Russia Beyond задолжителен е хиперлинк до изворот од кој е преземен материјалот.