Покажан командниот пункт на „Монолит“ кој порано му втера страв во коски на екипажот на „Доналд Кук“

09 март 2021

Russia Beyond

Работата на системот за набљудување на површинската и воздушната ситуација опремен со повеќенаменскиот радар „Монолит“, кој во 2014 година за време на „Кримската пролет“ ги „забележа“ разурнувачите на американската Воена морнарица во Црното Море, беше прикажана на видеоснимката што ја објави телевизиската станица „Ѕвезда“.

Како што се истакнува, руската техника, меѓу другото, без шега, му втера страв во коски на екипажот на американскиот разурнувач „Доналд Кук“ од проектот „Арли Бурк“. „Внатрешноста“ на радарската станица за прв пат им беше прикажана на новинарите, се наведува во репортажата.

На командниот пункт има толку опрема – да ти се заврти во главата. Екипажот на командниот пункт го сочинуваат петмина членови задолжени за набљудување, оквалификување и следење на површинските цели, како и носење одлуки во тој поглед, се вели во репортажата.

Според Сергеј Пиуновски од претпријатието „Тајфун“ антената на „Монолит“ го откри и почна да го следи разурнувачот „Доналд Кук“ во Црното море. „Врз основа на нашето зрачење екипажот сфати дека е откриен и дека може во секој момент да уследи ракетен напад, од што и се уплашија“, рече стручњакот.

При користење на материјалите на Russia Beyond задолжителен е хиперлинк до изворот од кој е преземен материјалот.

руска војска руско оружје