Русија има и трета вакцина против корона одобрена за примена кај постари од 60 години

Руската служба за фитосанитарен надзор (Роспотребнадзор) соопшти дека е одобрена примена на руската вакцина „ЕпиВакКорона“ кај постарите од 60 години. 

„Имајќи ги предвид резултатите од испитувањата, кои покажаа имуногеност и висока безбедност на тој препарат за пациенти во постара доба, вакцината „ЕпиВакКорона“ е одобрена за примена кај лица постари од 60 години“, се наведува во соопштението на „Роспотребнадзор“.

„ЕпиВакКорона“ е втората од трите вакцини што Русија ги регистрираше. Вакцината ја произведе Државниот научен центар за  вирологија и биотехнологија „Вектор“.

Првата во светот регистрирана вакцина против коронавирус е руската вакцина „Спутник Ве“ (Sputnik V) што ја разви Институтот „Гамалеј“. Русија има уште една регистрирана вакцина – „КовиВак“ на центарот „Чумаков“.

При користење на материјалите на Russia Beyond задолжителен е хиперлинк до изворот од кој е преземен материјалот.