„Вашингтон Пост“: Руската вакцина „Спутник V“ ја очекува светски успех

Patricio Murphy/Keystone Press Agency/Global Look Press
Во американскиот весник „Вашингтон Пост“ е објавена статија посветена на вакцината против коронавирус „Спутник Vˮ. Авторот на текстот признава дека спрема овој препарат, како и спрема руската наука во целина, на Запад, а особено во САД, постоеле силни предрасуди. Меѓутоа, сега треба да се признае дека тие биле погрешни и неправедни, заклучува „Вашингтон Пост“.

„Станува сé поочигледно дека „Спутник V“, вакцината наречена по првиот вештачки сателит на Земјата, благодарение на кој СССР првично ја надмина Америка во вселенската трка, би можел да постигне глобален успехˮ, пишува новинарот. А уште сосем неодамна приказните за руска вакцина предизвикуваа само насмевка. Весникот го наведува мислењето на Стивен Морисон, директор на Центарот за глобална политика на здравствената заштита при Центарот за стратешки и меѓународни истражувања во Вашингтон.

„Навикнавме да тврдиме дека најдобрите научници ја напуштиле Русија во потрага по подобро платени работи во Европа и САД. Но, најновиот развој на настаните во целост ги побива таквите ставови. Гледаме аргументи во полза на квалитетот на руската наука и нејзината приврзаност на моралните принципи, иако спрема неа се однесуваат со игнорирање и надменост“, заклучува стручњакот.

„Вашингтон Пост“ смета дека руската вакцина станува фактор на „меката силаˮ на Москва, која на тој начин стекнува позиции во ЕУ, каде веќе германската канцеларка Меркел лично го поддржа овој препарат, доколку го одобри Европската агенција за лекови.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Овој веб-сајт користи колачиња. Кликнете овде за да дознаете повеќе.

Прифати колачиња