„Национален Интерес“: С-500 обезбедува суштински ново ниво на заштита

C-400

C-400

Министерство за одбрана на Русиjа
Противракетниот систем од новата генерација С-500 „Триумфатор-М“ поседува мноштво најдобри карактеристики во својата класа, а неговата интеграција во постојниот ПВО-ПРО систем овозможува заштита на суштински ново ниво. Во пресрет на приемот на С-500 во вооружувањето американскиот магазин „Национален Интерес“ (The National Interest) пишува за можностите на ова оружје и предвидената сфера на неговата примена.

„Триумфатор“ ќе влезе во вооружувањето на руската војска годинава, најави претходно заменик-министерот за одбрана на РФ Алексеј Криворучко. Тактичко-техничките карактеристики на системот не се обелоденети, но според информациите од јавно достапни извори, познато е дека С-500 ќе може да соборува балистички ракети на растојание од 600 километри, а непријателски авиони на 500 километри.  

Ракетата 77Н6, која спаѓа во арсеналот на системот, е наменета за пресретнување хиперсонични цели и боеви блокови на балистички ракети. Претходно против неа можеше да се бори само стратешкиот ПРО-систем А-135 „Амур“ кој ја покриваше Москва и целиот индустриски реон.

„Триумфатор“ може да се пофали со бројни карактеристики кои се најдобри во својата класа. Системот е во состојба да гаѓа десет комплексни цели (боеви блокови на интерконтинентални балистички ракети) и поедноставно го обележува големиот број мети, како што се авиони и крстосувачки ракети.

Сепак, за последниве постојат високоефикасните системи С-300/400, а С-500 ќе ја заземе специјализираната нишка на заштита од хиперсонични и балистички ракети. Според податоците на проектантите на системот, С-500 ќе може да соборува и сателити во ниските орбити.
Тешко дека единиците за ПВО ќе се префрлат од С-400 на С-500 „Триумфатор“, новиот систем е скап и има поинакви задачи. Најверојатно е дека двата система ќе работат заедно надополнувајќи се еден со друг, смета авторот на текстот Марк Епископос.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња