Во Ростовскиот воздухопловен полк слетаа седум нови „Алигатори“

Во воздухопловниот полк на армиската авијација на Јужниот воен округ, базиран во Ростовската област, пристигнаа седум нови борбено-извидувачки хеликоптери Ка-52 „Алигатор“. Со новите хеликоптери во близок временски период се очекува почетокот на планираната боева обука на летечкиот кадар во состав на Ростовскиот полк.

Хеликоптерите од кругот на фабриката беа транспортирани со воено-транспортни авиони Ил-76. Притоа тие беа фабрички распакувани за по слетувањето на дестинацијата повторно да бидат комплетирани од специјалисти и да му бидат предадени за употреба на воздухопловниот полк, пренесува веб-порталот armstrade.org.

Пилотите кои ќе управуваат со овие софистицирани борбени летала ја совладаа специјалистичката програма во Центарот за борбена обука и преквалификација на летечкиот кадар на армиската авијација на Министерството за одбрана.

Ка-52 „Алигатор“е борбено-извидувачки хеликоптер кој е наменет за борба против тенкови, оклопна и друга борбена техника, непријателска жива сила, хеликоптери и останати воздушни објекти, на предниот крај на одбраната и тактичката длабочина на фронтот, во сите временски и климатски услови, пишува порталот „Борбени Ефективи“.

Опремен е со современа авионика која е во спој со респектабилно вооружување. Го движи  силен мотор са коаксијална елиса што на „Алигаторот“ му обезбедува одлични маневарски карактеристики кои вклучуваат изведување сложени летечки фигури. Покрај тоа, Ка-52 е опремен и со систем за радиоелектронска заштита, апаратура за намалување на топлотната  рефлективност, како и со средства за активна заштита од лесни преносни системи за ПВО.

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња