Рускиот дрон „Охотник“ во 2021 година ќе реализира гаѓање воздушни цели

Рускиот ударен дрон „Охотник“ ќе реализира боево гаѓање со ракети „воздух-воздух“ во 2021 година, пишува „Росијскаја газета“. На полигонот Ашулук веќе се одржаа летови на апаратот со ракетни симулатори за да се процени работата на неговите бродски и радарски системи со водени боеви глави со муниција. Испитувањата се сметаа за успешни.

Како што забележува РИА Новости, се работи за лансирања на ракети од внатрешноста на трупот, кои претходно беа тестирани на Су-57. Тие се предвидени за стрелба врз реални воздушни цели.

Така, „Охотник“ стана првиот борбен беспилотен ловец-пресретнувач во светот. Дронот ќе ги нишани воздушните цели со помош на ловецот од петтата генерација Су-57, кој исто така ќе одлучи која цел и со кои ракети ќе се напаѓа.

Во иднина повеќенаменскиот дрон може да се користи во масовни напади со ескадрили пилотирани авиони. Повеќето тактичко-технички карактеристики на „Охотник“ се класифицирани. Познато е дека тежи до 20 тони и развива до 1000 км/ч. Распонот на неговите крила е 19 метри, а должината - 14 метри.

При користење на материјалите на Russia Beyond задолжителен е хиперлинк до изворот од кој е преземен материјалот.