Србија подготвена да ја произведува руската вакцина против корона „Спутник V“

Dwi Anoraganingrum/Geisler-Fotop/Global Look Press
Србија е подготвена да соработува со Русија во борбата против коронавирусот, но и во заедничкото производство на вакцината, изјави министерот за здравство на Србија Златибор Лончар за ТВ-каналот „Русија 24“.

„Би сакал да кажам дека сме отворени за соработка со Русија. Би сакале нашите две земји здружено да работат на производство на вакцината, но и на заедничка борба против короната и останатите болести“, изјави Златибор Лончар.

Лончар се заблагодари на рускиот претседател Владимир Путин, затоа што на Србија ѝ ја обезбеди вакцината „Спутник V“ за истражување.

„Ниедна друга држава не го направи тоа, само Русија. Имаме лабораторија во која штотуку се анализира квалитетот на руската вакцина“, додаде министерот за здравство на Србија.

Рускиот министер за надворешни работи Сергеј Лавров на прес-конференцијата по разговорите со претседателот на Србија Александар Вучиќ изјави дека Москва и Белград преговараат за разработка на вакцина против корона и нејзино производство во Србија.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња