Објавени снимки од лансирање на балистичка ракета од нуклеарниот подводен крстосувач „Карелија“

Телевизија „Ѕвезда“ објави кадри од лансирање на балистичка ракета, извршено од подморницата К-18 „Карелија“ од подводна позиција во акваторијата на Баренцовото море.

Согласно планот за подготовка на Вооружените сили на Русија под раководство на Врховниот командант на ВС на Русија беа одржани вежби за управување со стратешките офанзивни сили, соопшти руското Министерство за одбрана.  

Учествуваа сили и средства на копнената, поморската и авијациската компонента на стратешките нуклеарни сили на Русија.

Пробни борбени лансирања на интерконтинентална балистичка ракета, балистичка ракета од подморница, високопрецизни крстосувачки ракети со воздушно базирање со голем дострел беа извршени од космодромот „Плесецк“, од акваторијата на Баренцовото море, како и од авиони Ту-160 и Ту-95МС од аеродромите „Енгелс“ и „Украинка“, се вели во соопштението.

K-18 „Карелија“ е нуклеарен ракетен подводен крстосувач за стратешка намена од проектот 667БДРМ „Делфин“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња