Русите прават пиштол како австрискиот „Глок“, само многу поевтин

Glock 19 (9x19 мм)

Glock 19 (9x19 мм)

Reuters
Руските оружари ќе направат пиштол кој според техничките карактеристики може да се споредува со современите модели од марката „Глок“, но ќе биде двојно поевтин (малку повеќе од 1000 евра).

Ние правиме целосно нов пиштол со калибар 9х19 од полимери, поаѓајќи од искуствата со експлоатацијата на „Глок“ и „Зигзауер“. Очекуваме 2021 година да имаме прототип. Се надеваме дека ќе создадеме оружје кое според тежината и борбените карактеристики е рамно на пиштолите „Глок“ од петтата генерација. Прелиминарниот назив на моделот е „ORSIS S1“, изјави за РИА „Новости“ Валериј Новосјолов, генералнит директор на фирмата која го развива овој проект.

Тој истакна дека најголемата предност на рускиот производ ќе се состои во цената. „Глок“ без дополнителна опрема чини 200000 рубли (2250 евра), додека ORSIS ќе чини 100000 (1125 евра).

Најважните одлики на австриските пиштоли „Глок“ се малата тежина, извонредната ергономија, едноставноста и сигурноста. Рамката е во целина направена од полимери отпорни на високи температури и удари. Оружјето има висока почетна кинетичка енергија на куршумот, така што куршум истрелан од овој пиштол има поголема запирачка и пробојна моќ.

Пиштоли „Глок“ во својот арсенал имаат вооружените структури во преку 30 земји. Покрај огнено оружје, австриската компанија произведува и ножеви и пешадиски ашови.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња