ХТВ-64: Зошто во СССР тенкот Т-64 беше вкрстен со оклопниот транспортер БТР-60

Во Советскиот Сојуз беше создадено необично возило, хибрид на главниот борбен тенк Т-64А и оклопниот транспортер на тркала БТР-60. На него се потсетија корисниците на интернетот.

Овој објект со чуден изглед првично ја носеше ознаката ХТВ-64, што едноставно се дешифрира, во превод на руски, како подвижен симулатор на возење. Како што вели називот, возилото требаше да служи за обука на возачи-механичари.

Познато е дека, независно од тоа колку се совршени различни компјутерски симулации, обуката не може квалитетно да се изведе без возење на реален тенк. Меѓутоа, користењето борбени машини како наставни средства е многу скапо и затоа во многу армии во светот се прави техника за посебна намена.

Од „шеесет и четворкатаˮ е тргната куполата со топот со калибар 125 милиметри и спарен митралез со калибар 7,62 милиметри, а на нејзино место е поставен дел од трупот на оклопниот транспортер за да можат внатре да се сместат неколкумина кадети. За жал, ХТВ е направен само во еден примерок.

Во исто време се правеа возила врз база на тенковите од првата повоена генерација, како и врз база на Т-72 и Т-80. Кај некои се оставени куполите без вооружувањето, а кај други се монтирани слични кабини.

Меѓу најновите странски проекти треба да се спомене кинеската наставна варијанта „Тип 59“ со предвидено седиште за инструкторот во возилото, веднаш до кадетот.

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња