Руските научници сакаат да рециклираат пластика со помош на молци

Bennyboymothman/Visual Hunt

Руските научници имаат намера да се борат против ширењето на пластичниот отпад со помош на неверојатните способности на восочните молци (Galleria mellonella), пишува агенцијата РИА „Новости“.

Ларвата на овој инсект, благодарение на ензимот развиен во текот на еволуцијата, научила да преработува полимери како полиетилен, па може буквално да јаде пластични кеси. Колку за илустрација, сто ларви од овие молци за 10-12 часа јадат околу 100 грама пластика.

„По секвенционирањето на ДНК, во научните институти ќе се обидеме да го синтетизираме овој ензим. Од добиената супстанца ќе развиеме раствор со кој ќе може да се прелие пластичниот отпад и на тој начин да се ослободиме од него“, рече Евгениј Попов, главен истражувач во лабораторијата за биотехнологија на технопаркот „Јакутија“ во Јакутск.

За да го направат ова, научниците планираат да создадат колонија која би требало да опфаќа меѓу сто илјади и неколку милиони единки. Се очекува растворот да биде готов следната година.

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња