Руската воена полиција ги доби најновите оклопни возила „Патруљ“

03 ноември 2020

RUSSIA BEYOND - МАКЕДОНИЈА

Министерство за одбрана на РФ/Global Look Press

Најновите оклопни автомобили „Патруљ“ („Патрола“) ѝ се испорачани на воената полиција. Свеченото примопредавање на новата техника е извршено кон крајот на минатата недела на военотехничкиот форум „Армија“ што се одржува на подмосковскиот полигон Алабино и е познат по натпреварувањето во тенковски биатлон.

Овие оклопни возила се окарактеризирани во медиумите како „тврдини на тркала“. „Патруљ“ штити десет војници од гелери и куршуми испукани од автомат АКМ и рачен митралез РПК. Оклопот може да издржи експлозија на нагазни мини и фугаси со моќност од 2 кг ТНТ.

Моторот има 260 КС, на асфалт развива брзина од 100 км/ч. Масата на возилото изнесува 11750 кг. Без дополна на гориво „Патруљ“ може да помине 1000 километри.

Новото оклопно возило е тестирано во различни услови, меѓу другото на големи студови над Поларниот круг и на планински терен. Возилата „Патруљ“ извршуваа специјални задачи во Сирија, каде првпат беа забележани во април 2019 година.

При користење на материјалите на Russia Beyond задолжителен е хиперлинк до изворот од кој е преземен материјалот.

руска војска руско оружје

Повеќе возбудливи стории и видеа на Фејсбук страницата на Russia Beyond-Македонија