Започна испораката на тенкови T-72Б1МС „Бел орел“ за Србија

Според информациите на новинската агенција Sputnik Србија, станува збор за две единици од 30 парчиња кои треба да бидат испорачани во рамките на воено-техничкиот договор постигнат меѓу претседателите Владимир Путин и Александар Вучиќ, пренесува „Росијскаја газета“.

Т-72Б1МС „Бел орел“ во моментов се смета за една од најдобрите варијанти за извоз во големото семејство „седумдесет и двојката“. Неговото главно вооружување е топот со мазна цевка од 125 мм со автоматски систем за полнење.

Топот е способен да испука и поткалибарски противоклопни, кумулативни, фрагментарно-фугасни гранати и противтенковски ракети наведувани со ласерски зрак со опсег над 5000 метри. Ваквата муниција може да уништи како копнен непријател, така и ниско летачки и со мала брзина објекти, како што се борбените хеликоптери.

Тенкот има модерен дигитален систем за контрола на огнот со повеќеканални нишани за топџијата и командирот. Вториот има на располагање далечински управуван универзален митралез со калибар 12,7 милиметри.

Имплементирана е сателитска навигација за ориентација на земја.

Информациско-контролниот систем ја следи состојбата на моторот со капацитет од 840 коњски сили.

Сите предности на „Белиот орел“ веќе ги оценија тенкистите во Никарагва и Лаос.

Претходно во Србија беа испорачани модернизирани извиднички оклопни возила БРДМ-2МС, кои активно се користат за време на разни вежби.

При користење на материјалите на Russia Beyond задолжителен е хиперлинк до изворот од кој е преземен материјалот.