На саемот „Интерполитех-2020“ претставена новата руска повеќекалибарска снајперска пушка

„Рособоронекспортˮ (руска државна компанија која се занимава со увоз и извоз на производи за воена и двојна намена) на саемот „Интерполитех-2020ˮ во Москва ја претстави новата повеќекалибарска пушка ДВЛ-10М3, производ на компанијата Lobaev Arms.

Како што во видеопрезентацијата на специјалниот извозник на „Јутјуб“ изјави постариот експерт на компанијата Александар Слободјањук, новата пушка е покомпактна во споредба со претходните производи на Lobaev Arms.

„Масата на пушката ДВЛ-М3 е намалена на 4,5 килограми, при што цевката ѝ е долга 500 милиметри. Ефикасниот дострел на овој модел е до 1 километар“, вели Слободјањук.

Според него, пушката поседува мало растурање на погодоците. „[ДВЛ-10М3] има мало растурање на погодоците, кое не надминува 0,38 минути на аголот“, соопшти постариот експерт на „Рособоронекспортˮ.

Слободјањук додава дека ДВЛ-10М3 може да се променува во комплет со придушувач.

На пушката може да се монтираат цевки со различен калибар: 7,62х51 mm (.308 Winchester), 6,5 x 47 mm Lapua и 6,7 mm Federal.

XXIV Меѓународен саем на средства за државна безбедност „Интерполитех-2020ˮ се одржува од 20 до 23 октомври во ВДНХ (павилјон бр. 57) во Москва.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња