Две противтенковски ракети се наоѓаа на лансер монтиран над основниот топ. Што се однесува до топот, југословенската воена индустрија имаше во план да го замени со орудие со калибар 105 мм со термоизолациска облога, што ќе ја зголемеше неговата прецизност, наведува веб-порталот РГ.
На куполата на модернизираниот основен борбен тенк Т-55 е планирана инсталација на фрлач на чадни бомби за создавање аеросолна завеса, како и на сензори кои би регистрирале ласерско озрачување на тенкот. Гасениците би биле заштитени со бочни екрани.
Фотографије југословенске модернизације обт Т-55М који је познат као пројекат "Игман". pic.twitter.com/AlN4qaEqsf
— Marsonline (@gvozdenavolja) September 9, 2020
Според одделни извори, оваа модификација на основниот борбен тенк Т-55 требаше да го добие името „Игман“, во чест на партизанските единици кои во екстремно тешки временски услови успеаја да поминат преку оваа планина зимата 1942 година.
За оваа југословенска модификација Т-55 „Игман“ беа заинтересирани бројни странски земји, меѓутоа, поради драматичниот распад на СФРЈ предизвикан од граѓанската војна, дојде до логично запирање на овој проект.
Неопходно е да се каже дека советските конструктори на тешка оклопна техника уште во 60-тите години на минатиот век експериментираа со интеграција на противоклопниот наведуван систем „Маљутка“ на тенкови од лесна, средна и тешка категорија. Развојот на овие истражување доведоа до тоа Советите да успеат да истрелаат наведувана ракета од тенковски топ. Првата модификација на тенкот Т-55М која го овозможуваше овој новитет влезе во вооружувањето 1983 година.
Совјетска модификација тенка Т-55М која се и дан данас налази у наоружању перуанских оклопно-механизованих јединица pic.twitter.com/XPeTL7rbXc
— Marsonline (@gvozdenavolja) September 9, 2020
Интересно е да се наведе дека одреден контингент тенкови Т-55 кои имаа способност за лансирање на противтенковски наведувани ракети му беа испорачани на Перу. Овие варијанти на тенкот имаа по две противтенковски ракети поставени на носач од левата страна на куполата. Ваквиот тип модификација беше реализиран кај ограничен број машини.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче