Во Русија направен инструмент кој во воздухот открива коронавирус

Замир Усманов/Global Look Press

Красногорскиот завод „С. А. Зверевˮ го претстави на форумот „Армија-2020ˮ првиот инструмент во Русија за откривање вируси во воздухот, вклучувајќи и коронавирус, соопшти во интервјуто за РИА „Новостиˮ генералниот директор на претпријатието Александар Новиков.

Според него, „Детектор-БИОˮ може да детектира и бактерии и токсини.

„Со помош на ваков инструмент за автоматска анализа на примероци на воздухот е потребно од десет до 30 минути, во зависност од концентрацијата на патогените и други факториˮ, рече Новиков.

Клиничките испитувања на инструментот се завршени во јуни, неговото сертифицирање е во подготовка и затоа е рано да се зборува за продажба.

„Меѓутоа, ние сме максимално подготвени и во случај на потреба можеме да произведеме онолку инструменти колку што му е потребно на нарачателот. Важно е што овој уред може да реагира на различни патогени во воздухот и затоа може да се користи како за цивилни цели, така и за биолошка безбедностˮ, истакна генералниот директор на заводот.

Инструментот може во потполно автоматски режим истовремено да детектира максимално 86 предизвикувачи на инфективни заболувања од вирусна и бактериска природа, како и токсини од околината.  

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња