Русите прикажаа беспилотно летало за изведување најкомплексни операции на извидување (ВИДЕО)

„Орион“ претставува тактичко беспилотно летало со зголемена автономија на летање. Во неговиот состав влегуваат беспилотно летало, систем за автоматско полетување и слетување, копнена станица за наведување и техничките елементи неопходни за негово одржување.

Основната единица составена од тактички беспилотни летала „Орион“ се состои од 3-6 апарати, како и два копнени мобилни пункта за нивно управување. Основната задача на оваа единица е изведување најкомплексни форми на извидувачки мисии во оперативна зона кои со својот радиус на дејство ги покриваат овие беспилотни летала.

Леталото е проектирано за операции на патролирање, извидување и следење различни објекти со способности за наведување на огнот (бомбардери, артилерија) и негови корекции. На овој план руските инженери го унапредија постојниот оптоелектронски и навигациски пакет и го направија совршено за вакви задачи. Покрај задачи за откривање, наведување и корекција на огнот, „Орион“ има можност да се пренамени и во ударно беспилотно летало кое ќе може да носи високопрецизно вооружување од класата „воздух-земја“.

Основни тактичко-техничко податоци на беспилотното летало „Орион“:

• Оперативен радиус: 250 км
• Носивост на убоен товар: до 200 кг
• Автономија на лет: 24-30 ч
• Висина на лет: 7500 м

И тоа не е сé. Според британскиот веб-портал Jane's, производната група „Кронштат“ врз база на овој дрон развива и уште посовршена верзија на беспилотното летало со голем домет со ознака „Орион-2“. Неговата маса ќе изнесува цели пет тони и ќе има способност да се подигне во стратосферата (горна граница на летање 12000 метри) и притоа да оствари брзина од 350 км/час.

При користење на материјалите на Russia Beyond задолжителен е хиперлинк до изворот од кој е преземен материјалот.