Масовен напад со ракети „Искандер“ и „Торнадо“ (ВИДЕО)

Телевизијата „Ѕвезда“ објави импресивна видеоснимка од лансирање на „Искандери“ во Астрахањската област. Со ракетирањето раководеше началникот на Ракетните сили и артилеријата на Вооружените сили на РФ, генерал-потполковник Михаил Матвеевски.

На маневрите беше увежбувано префрлување на системите од транспортна во борбена позиција. Во откривањето на условните цели помогнаа беспилотните летала „Орлан-10“. Тие ги испраќаа координатите во реално време. Во масовното ракетирање на „Искандерите“ им се придружија и повеќецевните ракетни лансери „Торнадо-С“.

Гаѓаните објекти беа оддалечени 90 километри и сите беа погодени со голема прецизност.

Системот „Искандер-М“ е специфичен по тоа што користи висинска суперманеварска ракета направена според „стелт“ технологија, така што може да погоди цели оддалечени 500 километри заобиколувајќи ја противракетната одбрана.

Руски оперативно-тактички балистички систем „Искандер-М“.

Министерство за одбрана на РФ/Global Look Press

При користење на материјалите на Russia Beyond задолжителен е хиперлинк до изворот од кој е преземен материјалот.