Се врати дома: „АвтоВАЗ“ го пушти во продажба теренецот Lada Niva

lada.ru
Во јуни во Русија се продадени 2,2 илјади теренски возила Niva, сé уште под брендот Chevrolet.

„АвтоВАЗ“ го објави почетокот на продажбата на теренското возило Niva под марката Lada, се наведува во соопштението на овој производител на автомобили.

„На 21 јули почнува продажбата на теренското возило Niva под марката Lada. Решетката на ладилникот и воланот сега ги краси Lada во вид на сите познатата тродимензионална лаѓа“, се наведува во соопштението.

Претходно ова теренско возило се произведуваше под брендот Chevrolet во заедничкото претпријатие на General Motors и АвтоВАЗ. Кон крајот на 2019 година „АвтоВАЗ“ откупи од американскиот концерн 50% во заедничкиот потфат. Така производствениот погон, чие име е променето во „Лaда Запад Толјати“, се најде во стопостотна сопственост на „АвтоВАЗ“, а моделот Niva се врати под брендот на „Лада“.

Според податоците на Асоцијацијата на европски бизнис, јунската продажба на теренецот Niva на рускиот пазар изнесувала 2,2 илјади парчиња.

„АвтоВАЗ“ е најголемиот производител на патнички автомобили во Русија, влегува во состав на алијансата Renault-Nissan-Mitsubishi. Продажбата на оваа компанија во Русија во 2019 година се зголеми за 1% и достигна 362,4 илјади возила.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња