ВИДЕО: Бродовите на руската Северна флота го совладаа симулираниот непријател во Баренцовото море

ТВ „Ѕвезда“ / скриншот
Тешкиот нуклеарен ракетен крстосувач „Петар Велики“ и ракетниот крстосувач „Маршал Устинов“ гаѓаа крајбрежни цели на симулираниот непријател на вежби во Баренцовото море.

„Во фазата на распоредување на бродовите екипажите одржаа вежби за совладување на крајбрежни цели на симулираниот непријател со артилериски оган“, се наведува во соопштението на прес-службата на Северната флота.

Во најскоро време припадниците на морнарицата ќе увежбуваат задачи за организирање на заедничко дејствување, проверувајќи ја готовноста на екипажите на дејства при ненадејно појавување на цели и ќе одржат низа вежби на противподморничката и противвоздушната одбрана, додава прес-службата.

„Маршал Устинов“ е ракетен крстосувач од проектот 1164, чија изградба почна на 5 октомври 1978 година во Николаевското бродоградилиште под називот „Адмирал на флота Лобов“. Спуштен е во вода на 25 февруари 1982 година, а во составот на Северната флота влезе на 5 ноември 1986 година.

Депласманот на бродот е 11280 тони, должината му е 186,5 метри, висината 42,5 метри, а брзината 32 јазли.

„Маршал Устинов“ располага со следново вооружување: бродски автоматски топ АК-130, 16 лансери на противбродскиот ракетен систем П-1000 „Вулкан“, 64 лансери на противвоздушниот ракетен систем С-300Ф „Форт“ и противвоздушен систем „Оса-МА“.

Покрај тоа, крстосувачот има два реактивни лансери РБУ-6000 и два петцевни торпедни апарати со калибар 533 милиметра. Во состав на воздухопловната група на „Маршал Устинов“ се наоѓа хеликоптер Ка-27.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња