На кинеските портали забележан ракетен ПВО-систем 9А331 „Тор-М1“ со 18 потврдени погодоци (ФОТО)

Виталиј В. Кузмин/www.vitalykuzmin.net
На интернет се појави фотографија на руски ракетен ПВО-систем 9А331 „Тор-М1“ кој се наоѓа во вооружувањето на кинеската армија. На неговиот преден десен бок се наоѓа интересна група „златни ѕвезди петокраки“ од кои се која претставува една воздушна цел која е успешно соборена.

Ракетниот ПВО-систем со краток дострел 9А331 „Тор-М1“ претставува пакет модернизација на основната верзија на системот. Таа е усвоена кон крајот на 80-тите години на минатиот век (1989 година). Од 1991 година системите кои го имаа овој стандард почнаа да се усвојуваат во оперативното вооружување на руската армија. Што се однесува до пакетот М1, тој подразбираше унапредување на системот за управување со огнот (двоканален режим на работа), како и вградување на посилна боева глава во ПА-ракетите 9М331. Подобрена е ефикасноста на системот за борба против маневрирачки цели кои летаат на мала висина, а се појави и можност за остварување функционална врска со батерискиот команден пункт 9С737 „Ранжир“. Системот доби и способност за побрза реакција, поточно му беше потребно помалку време за детекција на воздушна цел, нејзино зафаќање и лансирање на ракета.

Сериозни промени претрпе и внатрешната архитектура на средството. Борбениот екипаж е намален на три члена (командир, оператор и возач). Радарската станица ја зголеми толеранцијата на електронско попречување, а за препознавање на вистинска од лажна цел се задолжени специјални алгоритми.

Новите ракети 9М331 имаа способност да маневрираат под оптоварување од 30 g. Овие ракети можеа да ги соборат сите воздушни цели кои изведуваат маневри под оптоварување до 12 g. Ракетите се сместени во вертикални транспортно-лансирни контејнери 9Я281. Ефективниот хоризонтален дострел на ракетата изнесуваше 12,5 км. Системот со голема ефикасност може да соборува цел спектар воздушни цели. Најголемата веројатност за успешно соборување се однесува на борбените авиони и хеликоптерите, како и на крстосувачките ракети.

Се претпоставува дека НР Кина во своите ПВО-единици има 24 единици во верзијата 9А331 „Тор-М1“. Врз база на овој систем Кинезите развија своја варијанта на ракетен ПВО-систем со краток дострел која ја носи ознаката HQ-17.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња