Руската војска започна тестирање на новата вакцина против коронавирусот

Замир Усманов/Russian Look

Министерството за одбрана на Руската Федерација започнува со тестирање ново оружје во борбата против моментално најголемиот проблем на човештвото. Вакцината против коронавирусот е создадена со помош на воените научници и ќе биде тестирана на 50 доброволци. Тестирањето ќе трае два месеци.

Тестирањата ќе се вршат во 48 Централен научноистражувачки институт на Министерството за одбрана, чии соработници зедоа учество во создавањето на вакцината.

Доброволци се 45 претставници на машкиот и пет претставнички на женскиот пол. Веќе на трети јуни започна подготовката на првата група за тестирањето. Според информациите на директорот на Националниот истражувачки центар за епидемиологија и микробиологија, станува збор за перспективна векторска вакцина на основа на ДНК аденовирус во кој се наоѓа генот на самиот коронавирус SARS-CoV-2 кој предизвикува КОВИД-19. Вакцината е создадена со помош на воени лекари.

Кон крајот на мај неколкумина соработници неофицијално ја тестираа вакцината на себе. Засега поминува мошне успешно, сите оние што ја примија вакцината изградија имунитет на КОВИД-19, при што не се забележани никакви несакани ефекти.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња