Руски војници на туркање запалија самоодна хаубица тешка речиси 16 тони (ВИДЕО)

Оваа хаубица се наоѓа во вооружувањето на голем број армии ширум светот. Русија врз база на неа направи низа модификации и на тој начин го продолжи нејзиниот работен век, пишува Mars.online.

Самоодна хаубица 2С1 „Гвоздика”

Претставува самоодна хаубица со калибар од 122 милиметри. Нејзиниот развој започна дамнешната 1967 година, а сериското производство во 1971 година. Нејзина основна намена е уништување и неутрализирање на жива сила надвор од скривници од полски тип, непријателски огнени средства, артилериски и мототехнички системи за вооружување и воена опрема на непријателот. Наменета е и за уривање на отпорните точки, жични и други препреки, како и правење приод во минските полиња. На оклопна платформа на гасеничар интегрирана е хаубица 2А31 (Д-32), со калибар од 122 милиметри, со борбен комплет од 35 моментално-фугасни и пет куршуми со кумулативно зрно. Максималната оддалеченост на проектилот е околу 15500 метри. Се одликува со темпо на оган од 5 гранати во минута.

Нејзината вкупна тежина изнесува 15.7 тони, а покрај дизел-моторот ЯМЗ-238Н со максимална сила од 300 коњски сили. Целиот корпус е заштитен со оклоп со дебелина од 15-20 милиметри. Полниот резервоар овозможува досег и до 500 километри, при што хаубицата може да развие брзина и до 60 километри на час. Екипажот е составен од четири члена.

При користење на материјалите на Russia Beyond задолжителен е хиперлинк до изворот од кој е преземен материјалот.