Почна тестирањето на ловецот Су-57 во својство на ударно беспилотно летало

Дмитриј Жердин
Ловецот од петтата генерација Су-57 би можел да стане беспилотен авион. Пробните летови во режим на проверка на опремата веќе започнаа.

Како што наведува агенцијата РИА „Новости“, тестирањето на летањето во беспилотен режим се одвива врз база на летачката лабораторија Т-50. Пробниот пилот се наоѓа во кабината на авионот, меѓутоа за време на летот тој само ја контролира работата на автоматиката.

Се претпоставува дека беспилотниот Су-57 ќе биде многу поефикасен од другите авиони од петтата генерација поради отсуството на „човечки фактор“ и зголемувањето на квалитетот на летечко-маневарските карактеристики. Други информации за текот на тестирањето не се познати.

Минатата година започна испитувањето на интеракцијата на Су-57 и тешкото беспилотно летало „Охотник“. Полетната маса на новиот дрон изнесува околу 20 тони. Моторот овозможува брзина од околу 920 км/ч.

„Охотник“ има максимален долет од 3,5 илјади километри и може да се подигне на висина до 10,5 километри. Беспилотното летало може да подигне во воздух до осум тони полезен товар, вклучувајќи ракети. Леталото има елементи на вештачка интелигенција и е во состојба самостојна да извршува разни борбени задачи.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња