„Хуавеи“ се спореди себеси со неуништливиот советски јуришен авион Ил-2

На плакатот се наоѓа советскиот јуришен авион Ил-2 кој, иако изрешетан од проектили, продолжува да лета. „Без лузни нема груба кожа и силни мускули. Хероите секогаш се носеле со таквите предизвици“, пишува на плакатот.

„Хуавеи“ стана главна мета во трговската војна на Америка против Кина. Американските власти ја обвинија оваа компанија за финансиски малверзации, перење пари и кршење на американските санкции против Иран.

Во август 2018 година претседателот на САД Доналд Трамп им забрани на владините структури да користат опрема што ја произведува „Хуавеи“ и нејзината фирма-ќерка ZTE. САД сега се подготвуваат да го исклучат концернот од списокот на производители на чипови.

Издржливоста на бомбардерот Ил-2 за време на Втората светска војна стана легендарна. Нарекуван е „летечки тенк“ и „бетонски авион“. Леталата со десетици дупки на крилата и трупот се враќаа во своите бази каде што во текот на ноќта беа ремонтирани и наутро повторно летаа да се борат.

Тајната на неуништливоста на Ил-2 беше во оклопната капсула која ги штитеше сегментите од витална важност, кабината, моторот и резервоарот. А крилата од дуралуминиум и опашката можеа да бидат решетани колку што сакаш. Плус, авионот со тркала кои не се потполно вовлечени и оклопен труп можеше да се спушти „на стомакот“.

При користење на материјалите на Russia Beyond задолжителен е хиперлинк до изворот од кој е преземен материјалот.