Бродови на руската Тихоокеанска флота изведоа борбени гаѓања на вежби во Пацификот (ВИДЕО)

ТВ „Ѕвезда“
Одред бродови на Приморската флотила изведе во состав на воените вежби серија ракетни и артилериски гаѓања на воздушни и крајбрежни цели.

Две тактички групи бродови во чиј состав беа ракетниот крстосувач  „Варјаг“, разурнувачот „Бистри“, како и големите противподморнички бродови „Адмирал Трибуц“ и „Адмирал Пантелеев“ изведоа гаѓање на крајбрежни цели од бродските автоматски топови АК-130 и АК-100.

Метите имитираа објекти и техника на условниот непријател, соопштува одделението на службата за односи со јавноста на Источниот воен округ за Тихоокеанската флота.  

Бродските системи на противвоздухопловната одбрана открија и гаѓаа цели кои симулираа лет на противбродски крстосувачки ракети.

Во одбивањето на нападот, гардискиот ракетен крстосувач „Варјаг“ го примени ПВО-системот „Оса“. Големите противподморнички бродови ги користеа противавионските ракети на системот „Кинжал“, а разурнувачот „Бистри“ шестцевните автоматски артилериски системи АК-630М калибар 30 мм.

„Бистри“ е 11 разурнувач од проектот 956 „Сарич“, а во состав на флотата се наоѓа од 1989 година. Изграден е 1985 година во Ленинград, спуштен е во вода 1987 година.  

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња