Летечки тенк: Американците со пофалби за рускиот хеликоптер Ка-50

Toshi Aoki/JP Spotters/commons.wikimedia.org
„Национален Интерес“ (The National Interest) има само зборови со пофалба за рускиот ударен хеликоптер Ка-50, познат како „Црна ајкула“.

Угледниот американски магазин „Национален Интерес“ го нарече овој хеликоптер летечки тенк, истакнувајќи дека Ка-50 не само што е добро наоружан и оклопен, туку  има и неверојатни маневарски способности.

Според авторот на текстот, наместо вообичаениот главен и опашест пропелер, Ка-50 има два главни пропелери кои се вртат во спротивни насоки и обезбедуваат поголема маневарбилност во споредба хеликоптерите кои имаат пропелер на опашката.

Освен тоа, Ка-50 е еден од малубројните хеликоптери со систем за катапултирање на пилотот. При негова активација доаѓа до отфрлање на лопатките на роторот и горниот дел на капакот на кабината.

Хеликоптерот може да носи различни видови ракети од класата „воздух-земја“. Исто така, Ка-50 на десното крило има 30-милиметарски топ кој е во состојба да погодува со голема прецизност.

„Сериозниот оклоп го штити Ка-50 од оган од земја. Капакот на кабината е во состојба да издржи удар на муниција со калибар 12,7 мм, а кабината е заштитена од гранатирање од оружје со калибар 23 мм. Лопатките на роторот се направени од композитен материјал и можат да издржат неколку погодоци од автоматско оружје“, се наведува во статијата.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња