Руските камиони „Урал“ во Египет ќе се борат против коронавирусот

Слика од екран

Специјалните единици на Вооружените сили на Египет ќе бидат ангажирани во борбата против коронавирусот на територијата на целата земја. На смотрата која беше одржана овие денови е целиот арсенал опрема и техника која се користи во санитарните мерки.

Привлекува внимание фактот дека основата на овие формации ја сочинуваат руски возила за непроодни терени „Урал-4320“. Воените камиони обоени во пустински камуфлажни бои се претворени во возила за прочистување и испорака на вода, како и за деконтаминација на теренот.

Овие возила за непроодни терени се произведени во Мијаса во Русија, а почнаа да служат во египетската војска во седумдесеттите години од минатиот век. Уште пред неколку години во војската на Египет имаше активни над 2.000 возила „Урал-375Ф“ што ги има испорачано Советскиот Сојуз.

Денес современите модификации со дизел-мотор ја потиснуваат оваа застарена техника од употреба.

На руските возила се поставуваат радари, се монтираат различни комуникациски средства и станбени модули.

Камионите исто така повеќепати се видени на Синајскиот полуостров во состав на единиците кои спроведуваат операции против терористичките групации.

„Урал“ послужи и како платформа за самоодечко артилериско оружје со топови со калибар од 130 милиметри и хаубиците Д-30 со калибар од 122 милиметри. Ваквото оружје редовно се користи во воените вежби.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња