Хиперсоничниот „Циркон“ ќе биде лансиран под вода

Ракетната фрегата „Адмирал Горшков“

Ракетната фрегата „Адмирал Горшков“

Министерство за одбрана на РФ/Global Look Press
По четири-пет лансирања од фрегатата „Адмирал Горшков“ од проектот 22350 перспективната хиперсонична ракета „Циркон“ ќе биде тестирана под вода, т.е. ќе биде лансирана од нуклеарната подморница К-560 „Северодвинск“ од проектот 885 (шифра „Јасен“).

Ова за агенцијата ТАСС го соопшти извор во военоиндустрискиот сектор.

Според него, првично било планирано ракетата да се тестира од подморницата К-561 „Казањ“ од проектот 885М (шифра „Јасен-М“), но тестирањето на подморницата се одолжило, па затоа планот е сменет.

Во јануари „Циркон“ првпат беше лансиран од фрегатата „Адмирал Горшков“.

Во декември 2019 година претседателот на РФ Владимир Путин изјави дека руските стручњаци работат на „приземјување“ на ракетата „ „Циркон“.

Во мај истата година беше соопштено дека примопредавањето на подморницата К-561 „Казањ“ се одложува поради усовршување на помоќни системи.

Путин во февруари 2019 година изјави дека „Циркон“ „може да уништува цели како на море, така и на копно“, дека ќе развива брзина од 9 маха и ќе има дострел од преку илјада километри, како и дека ова оружје ќе го добијат како подморниците кои се веќе во арсеналот на руската морнарица, така и оние кои допрва се градат и прилагодуваат за ракети „Калибар“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња