Во Србија се воведува вселенскиот систем за реагирање ЕРА-ГЛОНАСС

roscosmos.ru
Се работи за технологија која помага во случај на несреќа да се реагира благовремено во таканаречениот златен час (првите 60 минути).

Руската државна компанија „Глонасс“ и Министерството за иновации и технолошки развој на Србија потпишаа меморандум за соработка во сферата на набљудувањето на земјата од вселената заради унапредување на состојбата во бројни области на економијата и јавната управа:  градежништвото, урбанизмот, метеорологијата итн., пренесува „Интерфакс“. 

Меморандумот за соработка во примената на иновации и нови технологии го потпишаа на 5 март српскиот министер Ненад Поповиќ и генералниот директор на руската државна компанија „Глонасс“ Игор Милашевски. 

Потпретседателот на руската влада Јуриј Борисов објасни за новинарите дека се работи за воведување на територијата на Србија на системот за реагирање во вонредни ситуации ЕРА-ГЛОНАСС.

„Оваа технологија помага во случај на несреќа благовремено да се реагира во таканаречениот златен час (првите 60 минути). На тој начин се спасуваат луѓе кои се нашле во тешка ситуација“, рече Борисов.

За скоро воведување на системот ГЛОНАСС во Србија министерот Ненад Поповиќ зборуваше во ноември 2019 година на конгресот „ЕРА-ГЛОНАСС“. 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња