Сиријците изгубија тенк Т-72М1 од советско потекло со „аголна оклопна заштита“

Интернет-портал „Бог-рата“ (mars.online)
На подрачјето на Саракиб е забележана необична модификација на сирискиот основен борбен тенк Т-72 Shafrah со „аголна заштита“. Овој тенк е направен врз база на Т-72М1 од советско/руско потекло и се наоѓаше во вооружувањето на 105 бригада на Републиканската гарда, која важи за една од најелитните борбени формации на владата во Дамаск. Во текот на борбите за ова место дојде до дефект на тенкот и тој мораше да биде напуштен.

На куполата на овој тенк, на неговиот преден дел и бочните страни се монтирани оклопни плочи кои се пакувани под специјален агол. Оваа модификација ѝ дава на техниката карактеристичен изглед, а самото техничко решение се покажа многу добро во пракса. Зајакнатата „седумдесет и двојка“ не само што успеа да се одбрани од рачните ракетни фрлачи, туку и од наведуваните противтенковски ракети од различен тип кои масовно се употребуваат во Сирија, пренесува интернет-порталот РГ.

Затоа не изненадува тоа што овие тенкови се упатени на најкритичните делови на фронтот. Така оклопна група на сириската војска која во својот состав има вакви модифицирани тенкови се најде и на подрачјето на градот Саракиб, на северот на земјата. Во текот на тактичкото повлекување од Саракиб дојде до технички дефект на тенкот, поради што тој мораше да биде напуштен и оставен на фронтот. Ова е прв случај ваков модифициран тенк да падне во рацете на непријателот.

Протурските бунтовнички групи се обидоа да го транспортираат тенкот  во длабочината на својата територија. Меѓутоа, прашање е дали тоа им тргнало од рака, затоа што на ова подрачје по падот на Саракиб е забележана исклучителни силна активност на сириското воено воздухопловство, кое изврши десетици напади врз градот и околу него.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња