Руски пилоти на Су-34 изведоа воена вежба на висина од 17 илјади метри и температура од -55 степени

Одделение повеќенаменски ловци-бомбардери Су-34

Одделение повеќенаменски ловци-бомбардери Су-34

Вадим Савицки/Global Look Press
Хабаровските воени пилоти на ловци-бомбардери Су-34 реализираа воена вежба на која ги подигнаа своите апарати на максималната употребна висина во сурови зимски услови, соопшти информативната служба на Источниот воен округ.

„Комплетниот летечки состав успешно го реализираше летот на висина од 17 илјади метри при ниски температури, при што уште еднаш е докажана повеќенаменската функција и сигурноста на овие летала“, се вели во соопштението што го пренесува веб-порталот РИА „Новости“.

Во овој момент температурата во Хабаровск се спушти на -20 степени Целзиусови. На висина од 17 илјади метри температурата е многу пониска и изнесува -55 степени Целзиусови.

Пред изведувањето на летот техничката служба детално ја провери исправноста на леталата и нивните системи и оцени дека сé е во максимално исправна состојба.  

„Сухој“ Су-34 (рус. Сухой Су-34, НАТО  Fullback) припаѓа на класата на тактички повеќенаменски ловци-бомбардери. Развиен е во KБ „Сухој“, а сериски се произведува во Новосибирската фабрика за авиони „Валериј Чкалов“. Неговата примарна намена се бомбардерски задачи, при што со употреба на ракети од класата „воздух-земја“ и авиобомби уништува широк спектар на копнени цели. Благодарение на неговата компатибилност со навистина обемната палета на воздухопловно вооружување, овој авион може да се бори против цели како на море, така и во воздухот. Во последно време овој авион е зајакнат со современи системи за електронски пречки, што значително ја отежнува позицијата на противникот во евентуален воздушен судир со овој авион, како и непријателските екипажи на средствата за ПВО.

Во последно време се споменува дека рускиот воено-индустриски комплекс планира да го унапреди ова исклучително летало кое покажа одлични резултати во текот на воздушната операција во Сирија. Во план е понатамошно унапредување на напаѓачко-навигацискиот комплекс на леталото, потоа проширување на асортиманот со перспективни убојни средства, интеграција на современи системи за противелектронска борба итн.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња