Лавров: „Русија ќе биде подготвена да им го покаже на САД „Сармат“

Русија им го покажа на Американците системот „Авангард“ во живо и е подготвена да им го покаже и „Сармат“, изјави рускиот министер за надворешни работи Сергеј Лавров. Според него, Москва ќе биде подготвена да го додаде тоа оружје во договорот СТАРТ-3 веднаш штом ќе ја продолжи неговата важност.

„Веќе им го покажавме „Авангард“ на Американците во живо и во одреден момент ќе бидеме подготвени да го сториме истото и со „Сармат“, рече Лавров во програмата „Големата игра“ на рускиот Прв канал.

На 16 декември командантот на Ракетните сили за стратешка намена на Русија, генерал-полковник Сергеј Каракаев, изјави дека воените единици во Краснојарскиот крај се подготвени да преминат на новиот ракетен комплекс „Сармат“. Во ноември Владимир Леонтјев, заменик-директор на Одделот за неширење и контрола на нуклеарното оружје при руското МНР изјави дека ракетните системи „Сармат“ и „Авангард“ не го кршат договорот СТАРТ.

Според претседателот на Русија Владимир Путин, не постои противракетна одбрана што може да ги запре ракетите „Сармат“.

При користење на материјалите на Russia Beyond задолжителен е хиперлинк до изворот од кој е преземен материјалот.