Хаските служат во војска: арктичките механизирани пешадиски единици користат санки со кучиња

Оваа учебна година во издвоената арктичка механизирана пешадиска бригада на Северната флота е воведен нов курс за практична обука. Извидниците учат да управуваат со кучешки санки.

Обуката се врши во селото Алакурти во Мурманската област. Одгледувачницата е веќе основана, се состои од десет кучиња од расата хаски и сите кучиња се подготвени за тимска работа со војниците.

Увежбан е препад, меѓу другото, во парови на скии. Инструкторите им објаснија на припадниците на арктичката механизирана пешадиска бригада како да се однесуваат со кучињата и да ги дресираат. Засега целта на обуката е запознавање со теоријата, а набрзо ќе почне и практичната обука.

Сибирскиот хаски е влечен пес. Оваа раса е добиена на Чукотка. Хаските не се чувари. Тие северни кучиња се многу мили, добродушни и радо контактираат со луѓе.

При користење на материјалите на Russia Beyond задолжителен е хиперлинк до изворот од кој е преземен материјалот.