„Сбербанк” го направи најмоќниот руски суперкомпјутер

pixabay
Руската банка „Сбербанк“ и нејзината ќерка-компанија SberCloud го направија и презентираа најмоќниот суперкомпјутер во Русија Christofari, наменет за решавање задачи во сферата на вештачката интелигенција.

Тоа, како што пишува ТАСС, на конференцијата AI Journey го соопшти извршниот потпретседател, раководител на блокот „Технологии” на „Сбербанк“ Давид Рафаловски.

Се истакнува дека ресурсите на Christofari ќе бидат достапни во клауд-сервисот SberCloud — AI Cloud, што ќе им овозможи на корисниците да развиваат и користат алгоритми на вештачка интелигенција.

Капацитетот на компјутерот е околу 6,7 петафлопси.

Според генералниот директор на SberCloud Александар Сорокоумов, суперкомпјутерот ќе овозможи решавање задачи за обука на модели базирани на невронски мрежи во многу краток рок.

Тој истакна дека користењето на ресурсите на Christofari ќе ја зголеми ефикасноста во решавањето на задачите од областа на обработка на природниот јазик и компјутерскиот вид, како и автоматизираното донесување одлуки, управување со ризици, откривање измами, создавање гласовни асистенти и друго.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња