Русите започнаа со завршното тестирање на борбен миноловец направен од пластика?

Александар Галперин/Sputnik
Во Санкт Петербург започна завршното тестирање на противминскиот брод од класата 12700 „Владимир Емелјанов“. Овие тестирања ќе траат до крајот на оваа година, кога се очекува негово влегување во единиците на руската воена морнарица.

Основната опрема е веќе поставена на овој брод. Извршени се работите за монтажа на системот за обезбедување и управување, соопшти информативната служба на Средно-Невскиот бродоградежен завод кој е составен дел од Обединетата бродоградежна корпорација. При тестирањето неговата посада ќе ги пушти во работа и ќе ги провери основните бродски системи за општа намена, како и системот за генерирање на електрична енергија.

По оваа фаза на тестирање, посадата на овој брод со помош на тегнач ќе ја започне фазата на фабричкото, а ако сѐ биде во ред, и со завршното државно тестирање, пренесува рускиот интернет-портал РГ.

Треба да се потенцира дека при изградбата на овој миноловец се применети технологии кои немаат никакви сличности во светот. Имено, трупот на овој брод во голема мера е направен со помош на монолитна стаклопластика, што се добива со метод на вакуумска инфузија. Таа е значително полесна и поцврста од металот. Овој брод нема да знае што е тоа корозија.

Основната намена на бродовите од класата 12700 е борба против современите видови противбродски мини кои можат да се најдат во водата или на морското дно. Неговиот вкупен депласман е 890 тони, бродот е долг 62 метри, а широк десет метри. Максималната брзина е околу 16 јазли. Екипажот се состои од 44 морнари.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња