Проверка на борбената готовност: Во Балтичкото море почна воената вежба „Океански штит-2019“

Слободан Ѓукиќ
Акваторијата на Балтичкото море наредните десетина дена ќе биде поприште на поморската воена вежба „Океански штит-2019“, пренесе информативната служба на руското Министерство за одбрана.

Во вежбата ќе бидат ангажирани вкупно 49 бродови и борбени чамци, 20 помошни пловила, 58 воздухопловни летала од составот на ВМФ и ВКС на руската армија и преку 10 илјади војници и офицери, пренесува интернет-порталот РИА „Новости“.

Во план е проверка на борбената способност на единиците на руската воена морнарица со цел одбрана на националните интереси на земјата, како и развивање оперативно-тактички навики кога станува збор за командување со силите на флотата.

Основната поморска борбена група ќе се состои од воените бродови и помошните пловила кои учествуваа на Главната воено-поморска парада што се одржа во Санкт Петербург по повод Денот на ВМФ на Русија.

Со поморската воена вежба „Океански штит - 2019“ ќе раководи командантот на руската воена морнарица, адмиралот Николај Евменов. Предвидено е вежбата да заврши на 9 август.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња