Руската воена индустрија направи заштитна маска која нема конкуренција во светот

© Минобороны России
Од концернот „Радиоелектронски технологии“ (Радиоэлектронные технологии (КРЭТ) соопштија дека нивната заштитна маска е направена врз база на новата технологија ТИОКРАФТ, како и дека е непропустлива за сите типови познати микроорганизми.

Концернот „Радиоелектронски технологии“ на меѓународниот воено-технички саем на оружје и воена опрема „Армија-2019“ претстави антибактериска полумаска-респиратор која нема познати аналози во светот.

Како што пренесува интернет-порталот ТАСС, заштитната маска е ефикасен против сите типови микроорганизми (вклучувајќи ги и оние кои се предизвикувач на туберкулоза), спори и габи, бактерии, вируси, сите форми на испарливи органски соединенија и непријатни мириси од органска природа.

„Во основата на новиот проект на заштитната маска стои уникатната технологија ТИОКРАФТ, која ја комбинира механичката филтрација на органските загадувачи и нивната елиминација со помош на извор на дозирано ултравиолетово зрачење и катализатор кој е направен врз основа на фотокаталитички елементи“, пренесуваат од концернот.

Производителот на оваа супернепропустлива маска е Раменската фабрика за производство на специјална заштитна опрема. Овој модел на заштитна маска нема аналози во светот. Работата на полумаската-респиратор е можна со автономен извор на напојување. Заштитната маска може да се применува во различни гранки на медицината, фармацијата, рударството, металуршката и хемиската индустрија, а исто така и во сточарството и прехранбената индустрија.

Меѓународниот воено-технички саем на вооружување и воена опрема „Армија-2019“ трае од 25-30 јуни. Манифестацијата се одржува на територијата на конгресно-изложбениот центар „Патриот“ кој се наоѓа во Московската област. Планирано е саеми со слична тематика да се одржат и во други градови во Русија. Според прелиминарните резултати, на саемот ќе учествуваат повеќе од 1500 претпријатија и организации кои ќе претстават повеќе од 27 илјади различни производи и идни проекти.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња