Не пропуштајте!
Придружете се на Russia Beyond на Телеграм за повеќе есклузивни содржини
Признајте дека отсекогаш сте сакале да знаете дали руските автомобили понекогаш наместо бензин пијат вотка и дали се претвораат во подвижна скара. Авторите на каналот „Гаража 54“ на Јутјуб и на Инстаграм ни раскажаа како им паѓаат на ум најлудите експерименти со автомобили.
Да кажеме дека гумите малку ви попуштиле и дека немате пумпа. Тогаш одите во најблиската продавница, купувате кола и повторно сте зад воланот. Не верувате? Тука е „Гаража 54“ да ве научи.
Еднаш авторите на блогот имаа десет слободни часа за без престан да се вртат во круг во снег. Самиот проект „Гаража 54“ се појави во февруари 2016 година кога жителите на Новосибирск Александар Лукјанов и Владислав Барашенков се снимаа додека поправаа кола во гаражата, а снимката неочекувано доби над 200.000 прегледи! Тогаш тие решија да водат свој канал на Јутјуб. Сега во екипата „Гаража 54“ (54 е регистарски код за Новосибирск) има 10 луѓе, а каналот има речиси 2.5 милиони следбеници.
За своите експерименти блогерите главно купуваат стари автомобили „ока“ и „жигули“. Александар вели дека тие можат да го поднесат кое било малтретирање. На пример, што ако акумулаторот се наполни со вотка, со вино, со кока-кола... Секако дека ќе се движи. Па, тој е „сделано в СССР!“
Првите експерименти се снимени во гаражата на Владислав, а сега блогерите градат свое „филмско“ студио. Но, нешто се снима и на отворено. Што велите за оваа идеја за одмор под отворено небо: претвораме „запорожец“ во чамец и одиме на рибарење.
Блогерите решија да проверат како пали кола која е ископана од под земја по една година. За експериментот жртвуваа „жигули“, „ауди“ и „тојота“.
„Потоа сакавме колите да ги дадеме за старо железо. Две коли ги измивме, а за третата долго баравме пералница во која ќе се согласат да ја измијат. На крајот сепак најдовме“, вели Александар.
Добро прочитавте! Во експериментот учествуваа два познати во Русија производители на кинески тестенини и еден чукнат браник. Зачини не беа потребни. До зачини не стаса работата.
Може ли селотејп да замени тркала? Чудно прашање, но мајсторите од Новосибирск и на ова имаат одговор. Само два километри селотејп и среќен пат!
Го знаете ли цртаниот „Мачкер“? Е, па ова е нешто слично на тоа. Излезе интересно, само возачите да се договорат каде ги води патот.
Малку им недостасуваше да направат тркала од камен, па да се сетиме на Флитсонс.
Кога може килим, може и „ока“ си помислија блогерите и ја закачија на воздушен балон. „Заборавивме дека секој воздушен балон има свој регистарски број, па пилотот брзо го најдоа и му врачија дури 7 сообраќајни казни“, вели Александар.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче