Видео: ПВО-системи „Оса“ и „Тунгуска“ соборија преку 30 воздушни цели и спречија поморски десант

Виталиј В. Кузмин
Противвоздушните ракетни системи „Оса“, „Тунгуска“ како и ЛПРС „Игла“ соборија индивидуални и групни воздушни цели на бреговите на Азовското море. Покрај воздушните цели, „Тунгуска“ дејствуваа и по копнени цели кои имитираа непријателска борбена техника, како и по цели на вода кои имитираа површински пловила.

„При изведувањето на боевото гаѓање применивме ракети-мамци кои имитираа беспилоти летала и стандардни воздушни цели со кои управува пилот какви што се авионите на тактичката авијација и борбените хеликоптери. Целите се наоѓаа на висина до 7000 метри“, нагласуваат од информативната служба на Јужниот воен округ.

Според информациите од воени извори, на воениот полигон „Ескиј“ е креирано максимално тешко сценарио кое мораа да го решат екипажите на ракетните ПВО-системи со краток дострел „Оса“ и „Тунгуска“. Во воздухот во секој момент се наоѓаа по осум плотунски лансирани ракети-мамци. Притоа, екипажите на овие системи дејствуваа „на слепо“ (информациите за количината и тајмингот на лансирање на ракетите-мамци беа непознати за екипажите). Вкупно во оваа вежба ПВО-екипажите реализираа преку 40 различни сегменти во рамките на вежбата, при што се соборени повеќе од 30 различни воздушни цели, пренесува интернет-порталот РГ.

По завршувањето на сегментот на вежбата кој беше поврзан со борба против воздушни цели, се помина на дејство по поморски цели кои имитираа десантни бродови и брзи чамци на условниот непријател. Со помош на автоматските топови 2А38 со калибар 30 мм, кои се наоѓаат во вооружувањето на хибридниот ракетно-топовски систем „Тунгуска“, одбиен е обид за десант на противнички механизирани единици.

Во вежбата вкупно беа ангажирани околу 800 војници и офицери, со неколку десетици единици различна борбена техника.

Прочитајте повеќе: Зошто „Тунгуска” и понатаму е самооден ПВО-систем број еден

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња