Авионите Су-57 и Ту-160 заштитени со новиот композитен премаз што го разви „Ростех“

Youtube
Кабината на повеќенаменскиот ловец од петта генерација Су-57 (претходно Т-50) но и на стратешкиот бомбардер-ракетоносец Ту-160 се заштитени со нови премази кои имаат стелтни/невидливи карактеристики за непријателските радари. Имено, новите премази со кои ќе биде третиран корпусот на леталото каде што се наоѓа пилотската кабина ја намалуваат рефлексивноста на радарските бранови за третина во однос на досегашниот резултат.

Како што пренесува интернет порталот РГ, во државната корпорација „Ростех“ е направен нов премаз од композитни компоненти кој драстично ја зголемува апсорбцијата/впивањето на радарските бранови, а со самото тоа и невидливоста на леталото. Целиот проект во пракса е реализиран од инженерите на Научно-производственото претпријатие од Обнинск, кое се наоѓа во состав на корпорацијата „Ростех“.

Специјалниот композитен премаз ќе има своја употреба на авионите С-57, Су-30, Су-34, Су-35, МиГ-29К и Ту-160. Премазот се нанесува во ултратенок слој со дебелина од 70-90 нанометри, кој покрај апсорпцијата на радиобрановите има способност да го заштити пилотот од ултравиолетовото зрачење, високата температура и останатите негативни фактори кои можат да се појават при изведувањето на борбената задача.

Како што нагласија од државната корпорација „Ростех“, новите материјали овозможуваат намалување на ефектот на топлинската сончева радијација за 3 пати, а на ефектот на ултравиолетово зрачење за 4-6 пати.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња