Чистачи на снег без возач почнаа да чистат снег во Русија

Сликата е симболична

Global Look Press

Во Русија почна тестирањето на автономни возила за чистење на снег, соопшти претставникот на Националната технолошка иницијатива „Автонет” Јарослав Федосеев.

Тестирањето се врши во Рјазањската област. Од безбедносни причини возилата со автопилот ќе го чистат снегот на затворена територија „ноќе и само при мали врнежи“. Во реонот на нивните активности ќе бидат поставени табли со предупредување „Работа на автономна техника”.

Работата на возилата со автопилот далечински ќе ја контролира диспечер, пренесува РИА „Новости”.

Во иднина на експериментите најверојатно ќе им се приклучат Москва и Татарстан.

„Автонет” соопштува дека возилата без возач го намалуваат времето за чистење на снегот за 35% со оглед на фактот дека така се продолжува работното време на тракторот.

Автономниот мини-трактор на компанијата Avrora Robotics го носи називот „Агроробот”.

Планирано е во 2020 година да биде претставен предлог-закон кој ќе го олесни излегувањето на автоматизираната техника за чистење на снег и други комунални работи на јавните патишта.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња