Сибирски мајстор постави минијатурна фигура на мамут на пресекот на влакното од ова животно

Анискин Владимир
Микроминијатуристот Владимир Анисик вели дека перчето од влакно од мамут го набавил на интернет и првин се обидел да го продупчи влакното за да ја стави фигурата внатре.

Мајсторот за микроминијатура од Новосибирск Владимир Анискин стави фигурка на мамут пет пати помала од милиметар на пресекот на влакното од ова изумрено животно. Како што изјави Анискин за агенцијата ТАСС, минијатурата од 15 декември ќе биде изложена во неговиот музеј во уметничката галерија на Новосибирск.

„Влакното е од мамут. Висината на фигурата е 175 микрони. Тоа е еден од најмалите тродимензионални објекти кои сум успеал да ги направам“, изјави овој мајстор.

Анисин го набавил перчето од влакно на мамут преку интернет и најпрвин се обидел да го продупчи влакното за да ја смести фигурата внатре, меѓутоа се покажало дека влакното е премногу тврдо и нееластично, за разлика од човечкото или коњското влакно, тоа постојано се кршело. На крај морал да ја смести фигурата на пресекот на влакното.

Најтешкиот дел од работата била изработката на главата на мамутот. „Двапати ја преправав, морав дури и да вежбам во пластелин во крупна големина за да сфатам како треба да изгледа”, вели Анискин.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња