Како израелските медиуми го гледаат уривањето на рускиот Ил-20

Слободан Ѓукиќ

„Харец“ смета дека трагедијата „можело да ја предизвика (намерно) задоцнување на известувањето на Израел за нападот“, како и други фактори, вклучувајќи и недостаток во координацијата помеѓу Русија и Сирија, пренесуваат медиумите.

Новинарите се уверени дека Израел сега ќе мора „јавно да ја наведне главата поради она што се случи“ и да го намали военото присуство во Сирија.

„Џерусалем пост“ истакнува дека претходните инциденти во кои учествувала израелската авијација не предизвикале толку остри реакции од Москва.

Според новинарите, теоријата дека израелското воено воздухопловство намерно ја прелажало сириската ПВО има смисла имајќи го предвид фактот дека руската страна преку „жешка линија“ добила известување за нападите една минута пред тие да започнат. Невозможно е во толку кусо време да се повлече Ил-20 во безбедна зона.

Во текстот се изнесува уверување дека овој инцидент би можел да го наруши „кршливиот биланс“ зашто Русија истакнува дека трагедијата не е резултат на грешка, ами на израелските воздушни напади.

Во исто време, весникот „Једиот Ахронот“ смета дека се неоправдани обвинувањата дека станувало збор за израелска провокација. Според мислењето на новинарот од овој весник, сириските владини сили се одговорни за трагедијата.

Во вторникот израелскиот премиер Бенјамин Нетанјаху на рускиот претседател Владимир Путин му изрази сочувство во врска со загинувањето на војниците и падот на авионот Ил-20 во Сирија и за несреќата ја обвини Сирија.

Главното воено-истражно одделение на Велика Британија започна кривична истрага за падот на авионот Ил-20 над Медитеранот.

Во понеделникот навечер руски авион за електронско извидување и електронска борба Ил-20 со 15 членови на екипажот беше соборен од страна на сириската ПВО. Руското министерство за одбрана ги обвини израелските авиони дека намерно создале опасна ситуација во која дошло до трагедијата. Рускиот министер за одбрана Сергеј Шојгу својот израелски колега Авигадор Либерман го предупреди за можен одговор.

Каков е всушност авионот Ил-20 кој е изгубен во Сирија?

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња